Saç ýaýradyp, gysga köýnegiñ geýip
Özüñi görkezip ýörmegin uýam.
Gyza gelişmejek sözleri diýip
Il içinde gep-söz bolmagyn uýam.

Ar-namysyñ gorap saklagyn hökman,
Erkek gujagy däl, derdiñe lukman,
Gelin bolup tar-tar saçlaryñ bukman,
Abraýñy gaçyryp ýörmegin uýam.

Gitmegin her ýigdiñ aldow sözüne,
Çalmagyn her hili reñki gözüñe,
Üns bergin her bir aýtjak sözüñe,
Hiçem biparhlardan bolmagyn uýam.

Mydama diniñe ynamly seret,
Bolmagyn her ýigdìñ keýpine belet,
Asyl bolup sen, öz durmuşyñ gül et,
Dar köýnekde gözden düşmegin uýam.

Söhbet diýr, arassa türkmeniñ gyzy
Diýdirgin, ýerinde edebi-sözi,
Mähirli alçakdyr ol gara gözi,
Bu oglandan gaty görmegin uýam.

Awtory: Söhbet Dowletow