Takdyr ýazgydymyz meňzeş çykardy
Dertleşemde şeýle giňedi dünýäm.
Ýaşlykda döz geldik uly hasrata,
Ýüregimiz guburdadyr jan uýam.

Gam çekme, hemişe şatlykdan ýylgyr,
Ir başlady durmuşyňda sil-ýagmyr,
Durmuşyň synagy agyr geldi-le,
Dertdeşim sen, bile kän çekdik ahmyr.

Goldaw berdiň, her bir derdim aýdamda,
Ýar bu jahandan ba:ka gaýdanda,
Seniň kimin uýam bardygna şükür
Meniň durmuş sazym çalýaň aýdymda.

Diňe ýüzüň gülsün, saňa dilegim,
Oýnyndan gorkmagyn, çarhy-pelegiň,
Sen mertsiň, ençeme dertlerden geçdiň,
Şahyr uýam, ýiti bolsun galamyň.

Asman ýere inip, gorky bassa-da,
Güneş hemişelik çykman batsa-da,
Jigiň ba:ka tarap mejbur baksa-da,
Unutma,men senden geçmerin uýam!

Söhbet Döwletow.
1.11.2021ý