Eliñdäki iñ gymmatly zadyñy,
Ýitiren wagtyñda gadryn bilersiñ.
Eger agyr halda tutsa adyñy,
Dözebilmän ýene şonda gelersiñ.

Ömrüñde görmedik adamyñ gelip,
Dost bolmak islese ýüzüñe gülüp,
Hakyky ýüzüni bilmeseñ görüp,
Kyn güne düşeñde, şonda bilersiñ.

Bolmajak zat ýokdur pany dünýede,
Parzdan geçip gitmäñ birden sünnede,
Ybadatsyz ynsan gitmez jennede,
Jehennem odunda ýansañ bilersiñ.

Ejiz görme bir garypja ynsany,
Arassa saklagyn ýürek wyždany,
Kybla tarap her gün etseñ seždäni,
Peýdasyn Ahyryýet günde bilersiñ.

Söhbet sen çykmagyn barýan ýoluñdan,
Duşman çykar geler sagy-soluñdan,
Ezraýyl ýöretse tutup goluñdan,
Ajal gelenini şonda bilersiñ.

Awtory: Söhbet Döwletow