Ýollar aýra düşdi,aglama dünýäm!
Aýyp bor, gözleriñ ýaşlara ezmek,
Agyram degýän eken,elleriñ bilen,
Söýeniñi özge gollara bermek.

Aglama sen dünýäm,öýme atsalar,
Gizle gülüm,balkyraýan gözüñi,
Keşde nagyş a:l kürtäniñ astynda,
...Bagtdan aglaýana meñzet özüñi!

Aglama dünýäm,gussalarña solaşyp
Hasratlaryñ ýyllañ goýnunda gizle.
Bagtyñ baglap, burma saçly ýigide,
"Bagtyýar men"diýip,müñlerçe sözle!

Giderin men, öz ýoluma rowana,
Başym sypap,saña hoş gal diýerin,
Belki duşuşarys seýrek setanda,
Belki duşmasak-da seni söýerin.

Gözleñ gyzarypdyr, gizleme gülüm,
Aglama "garagöz"şat ýaşa dünýäm,
Sen-ä özge törün bezän bolsañ-da,
Ýeke sen dünýämde ýaşarsyñ, Dünýäm!

B. Annaýew