agalar ýalançy bäş gün dünýede,
aýalyň erkegne uranyny gördüm,
gelinler gygyrýar ärleň üstüne,
ärleriň müzzerip duranyny gördüm

indi sylamaýar ini agany,
agalar hem sylamaýar inini,
ak süýt beren bir mähriban enäni,
zalym ogluň ýenjip duranyny gördüm

jepasy kän bu ýalançy pelegiň,
gadry gaçdy hormat bilen sylagyň,
bäş gün pully bolan ýeňi ýolugyň,
dostunam äsgermän duranyny gördüm

nesibesi güýçli öňki gelenleň,
gabahat işleri görmän ötenleň,
ýoldaşyn ukladyp käbir gelinleň,
özgäniň gujagna dolanyny gördüm

zemin gury bolsa açylmaz güller.
gül bolmasa, saýramaýar bilbiller,
oglundan, gelninden ýanan bendeleň,
gözün açyp göre girenini gördüm