Ukla!
Tebigat örlände
guşlar saýranda
diňe
diňe
ukla!

Irkil,
dem al
doldur öýkeniň

ukla

çuň uky
hakykat
tukatlyk bilen
ýalňyzlyk bilen
ýadansyň sen
dynjyň al!

Bar zat beýle uzak bolmaz
köne agyrylaň deý
sen ukla!
çişen aýaklaň bilen
gaýdyp bu dünýäde
ýöräp bilmejek aýaklaň bilen
umytlaň
ynanjyň
gynanjyň bilen
ukla

ýer hüwdülär seni
kim hüwdülär meni
Sen ukla!
Bu dem seniň üçin gymmat.
Bu dem meniň üçin gymmat.
Diýseň gymmat!
Uklamaga gerek gurbat.

Guşlar saýrasyn.
Dünýe aýlansyn.
Ömür soňlansyn
Tebigat ukyňy diňlesin
Düýşleriňi hüwdülesin
Ukla!..
Ukla!..

Suraý BABANYÝAZOWA.