Salam gadyrdanlar! Sag-salamat otyrmysyňyz?! Saýtymyzdaky wagtlaýyn passiwligi aradan aýyrmak üçin şahyrlardan gowy-gowy goşgulara, ýazyjylardan ajaýyp hekaýalara, men ýaly okamagy halaýan agzalary bolsa öňki ýaly aktiwlige çagyrýaryn.
Ine bu günem mähriban saýtymyzyň iň bir reýting derejesi ýokary bolan gepleşigimiziň nobatdaky sanyny Siz ezizler bilen bilelikde dowam edýäris.
Bu günki myhmanymyz saýtyň iň şadyýan agzalarynyň biri, agzalar bilen multfilm gahrymanlarynyň arasyndaky meňzeşligi tapyp bilýän, fantaziýasy ýokary bolan hanym @Ejegyz agza bilen gaty bir ýakyndan bolmasada, tanyşmaga synanyşarys.
Jigimize soragyňyz bolsa ýazyp bilersiňiz, başardygyndan, wagty boldugyndan jogap bermäge synanyşar.
Söhbetdeşligi "Massimus production" reklama merkezi "Sen bolmasaň Senemjan" diýýän ýigitlere, Sen bolmasaň Selimjanam barlygyny ýatlatmak bilen öz işine başlaýar.
Jigimiz taýyn bolsa başlalyň.
Ýör maestro, agzalar ýöräliň!
Islemeýän soraglaryňyza jogap bermän bilýäňiz!
1. Özüňiz barada gysgaça gürrüň beräýiň. (awtobiografiýa).
2. Saýtdaky zenan agzalaryň haýsysynyň niki Size has köp ýaraýar?
3. Ýene-de 5 ýyldan soňky 2027-nji ýyldaky Ejegyzy nähili göz öňüne getirýärsiňiz?
4. Saýtdaky aktiwligi ýokarlandyrmak üçin teklipleriňiz, maslahatlaryňyz?
5. Aýdaly oglanlaryň arasynda klasda 1-nji şef bolmak ugrunda bäsleşik bolýar (Menem kän ýyllap liderligi elimde saklapdym). Klasdaş gyzlaryňyzyň arasynda özüňüzi owadanlyk barada näçinji ýerde goýardyňyz?
6. Şahsy durmuşyňyz barada gürrüň beräýiň.
7. Ýanyňyzdaky (eger ýok bolsa hyýalyňyzdaky) şazada barada iki agyz gürrüň beräýiň.
8. Wagty yzyna dolap bolsa häzirki durmuşyňyzdan nämeleri üýtgederdiňiz?
9. Agzalara aýtjak ýürek sözleriňiz?
10. Şu güne çenli alan iň ýatda galyjy sowgadyňyz?
11. Näme üçin gyzlar saglyga zyýanly kosmetika önümlerini köp ulanýarlar? Siz şonsuzam owadana...
12. Haýsy aktrisa ýa-da filmlerdäki haýsy personaža meňzemek isleýäňiz?
13. Durmuşdaky şygaryňyz?
14. Goý Siziň janyňyz sag, başyňyz dik, durmuş ýoluňyzam rowan, aýdyň, şowlulyklardan doly bolsun!
15. Agzalar sizem özüňizi gyzyklandyrýan soraglary sorap bilersiňiz, sag boluň!