Futbol boýunça Türkmenistanyň Naýbaşy Kubogy duşuşygynda “Altyn asyr” topary ýeňiş gazandy. Paýtagtymyzdaky “Aşgabat” stadionynda oýnalan duşuşykda ýurdumyzyň geçen ýylky çempiony “Altyn asyr” topary bilen Türkmenistanyň Kubogy ýaryşynyň finalçysy “Köpetdag” toparlary duşuşdy. Çekeleşikli geçen oýunda aragatnaşykçylar 2-0 hasabynda ýeňiş gazandy. Gollaryň ikisi-de 2-nji ýarymda geçirildi. “Altyn asyr” toparyna ýeňiş getiren gollary 54-nji minutda Begmyrat Baýow bilen 68-nji minutda Selim Ataýew derwezä girizdi. Şeýlelikde, “Altyn asyr” topary 7-nji gezek Türkmenistanyň Naýbaşy Kubogyna mynasyp boldy. “Altyn asyr” topary bu kubogy 2015-nji ýyldan bäri eýeläp gelýär. “Köpetdag” topary 2019-njy ýylda-da “Altyn asyrdan” 2-0 asgyn gelipdi.