Aziýanyň klub derejeli 2-nji ýaryşy bolan AFK Kubogynda möwsüm tamamlanyp barýar. Merkezi Aziýa sebitiniň finalynda Ahal toparyndan üstün çykan özbekleriň Nasaf kluby Inter zolagyň ýarym finalynda Hindistanyň ATK Mohun Bagan topary bilen duşuşdy. Ýer eýeleriniň doly artykmaçlygynda geçen oýunda özbek kluby 6-0 hasabynda ýeňiş gazandy. Birinji ýarymda 5 gol geçiren Nasafa ýeňiş getiren pökgüleri 4-nji Kotal (öz derwezesine), 18-nji, 21-nji, 31-nji minutlarda Norçaýew, 45+1-nji minutda Bozorow hem-de 71-nji minutda Narzullaýew derwezä girizdi. Nasaf topary Inter zolagyň finalynda Gonkongyň Li Man topary bilen duşuşar. 20-nji oktýabrda oýnaljak duşuşygyň ýeňijisi Günbatar zolagyň ýeňijisi bilen AFK Kubogynyň çempionlygy ugrunda 5-nji noýabrda ýaryşyň finalynda oýnar.