"Läheň ligaň" hökümdary,
Şa klubym Real Madrid,
Futbol arzuwlarmyň bary,
Seniň bilen Real Madrid.

Karollaryň kluby sen,
Klublaryň karoly sen,
Iň wepadar fanadyň men,
Jan klubym Real Madrid.

Final günde eden işi,
Ötmedi hiç kimiň dişi,
Garşydaşlaň gorkunç düýşi,
Kambekşynas Real Madrid.

Arzuwlardan çykyp gelen,
Ýeňişlerden kalbym gülen,
Lälik ogly Raul bilen,
Taryh ýazan Real Madrid.

Mourinýoň bady bilen,
Ramosyň ody bilen,
Ronalduň ady bilen,
Dünýä gezen Real Madrid.


Ýyldyzlaryň arzylany,
"Galaktikos" diýp halany,
Futbol dünýämiň janany,
Beýik topar Real Madrid.

Ýeňiş diýp urýar ýüregi,
Beýik sepgitler geregi,
"El klassikoň" bezegi,
Gara gözüm Real Madrid.

Ömrüň iň şirin duýgusy,
Fanat kalbymyň söýgüsi,
Maksadyň şatlyk, gaýgysy,
Seniň bilen Real Madrid...

Maksat ESENOW.