Ýadymda ezizim çagalyk döwrümiz
Oýnaýadyk, hezil geçirýädik wagtymyz
Şeýdip bakçalykdan biz bileje ulaldyk
Iň soňky jaň sesin kakyp mekdebi tamamladyk

Bu päk söýgimizem artardy gün-günden
Meň islegimde indi bagt toý tutmakdy seň bilen
Seni çenden söýýänimi duýdurup ýakynlaryma men
Sawçy ugratdym öýňüze, umytly hoş habar bilen

Açyldy gapymyz ýerimden turdum dessine
Howludan girdi Käbäm ýylgyryp güler ýüzlüje
Gözlerinden aňdym razylyk berenlerini
Ejemjanam gowja görüpdir alagözlim seni

Sähedem bellenildi nesip bolsa toýumyz
Howlukýan seň ýanyňa görkezmäne çakylygymyz
Duşuşýan ýerimize ýylgyrypjyk gelipdiň
Ol ýylgyryşyňy men bütün ömrüme unutmaryn

Şol gün gije ýarymyň ýanyndan gaýdamda
Ulagma mündim ýöne oýum galdy ýanynda
Ünsümi sowup ýene seretdim çakylygyma
Edil şol pursat erbet urgy ses boldy maşynda

Dessine gapyny açyp seretsem adam ýatyr
Üýşdi märeke daşyna, Diýdi ''Jan berdi pahyr''
Günäli diýip şol pursat golumdan gysdylar
Bagyşla ezizim meni zyndana basdylar

Ol edilen arzuwlarymyz indi kül boldy bary meniň üçin
Bu ýaraly ýüregim aglaýar,ynan bir seniň üçin
Ýa Ýaradan Allam köp gördüňmi beýle bagty biziň üçin
Ýalbarýan ezizim garaş maňa bu päk söýgimiz üçin

Ençe ýyllar geçdi dolandym ojagyma
Nurana ýüzüňi görsem diýip ylgadym seň köçäňe
Gözleri ýaşly gyz jigiň geldi howludan
Gygyryp diýdi:''Sen sebäpli çykdy doganym aradan!''