Eziz käbäm birje pursat dolansadyñ, gelsediñ,
Ýatlap çagalyk döwrümi gujagyña dolsadym,
Shirin jana em bolýan wesýetleriñi alsadym,
Eziz käbäm henizem ýürek seni küýseýär.

Çaga wagtym düshünmän küýedenmi bagyshla,
Aýdan sözleriñ melhem - gül ömrüme nagyshla,
Seniñ ýeke garaýshyñ altyn-zere çalyshman,
Eziz käbäm henizem ýürek seni küýseýär.

Hüwdüleriñ ylhamdyr, bat goshulýar badyma,
Eneden mukaddes zat bolup bilmez adama,
Mähribanym, jan käbäm alkysh ýagýar adyña,
Eziz käbäm henizem ýürek seni küýseýär.