GYZ:
Ýola çyksam aýyrmasyn ykbalym,
Sen hemishe bolgun meniñ ýanymda.
Bir ten, bir jan bolaly biz ylahym,
Sen hemishe bolgun meniñ ýanymda.

OGLAN:
Durmushdyr uzaga gidäýseñ seýle,
Gaýnap-joshup, pyragyñda bolaryn.
Ýöne maña dünýäm "Gabanjañ" diýme,
Seni küýsäp, soragyñda bolaryn.

GYZ:
Gyshyñ gary, gülleri bar ýazyñ-da,
Goshgusy bar, aýdym bolan sazyñ-da,
Aýyñ suraty bar deñziñ ýüzünde,
Sen hemishe bolgun meniñ ýanymda.

OGLAN:
Çekinmen barmakdan alys ýol ashyp,
Saçlañ borun gül boýnuña dolashyp,
Gündiz Güne, gije Aýa ulashyp,
Olañ shugla çyragynda bolaryn.

GYZ:
Zyñlan dash gaýadan yza tesýändir,
Ýel bosh gaba düshse sesli ösýändir,
Ýalñyz bolsa gyz ýüregi gysýandyr,
Sen hemishe bolgun meniñ ýanymda.

OGLAN:
Ak ýüzüñe tutsañ, elleñde - aýnañ,
Keshdeleseñ-keshdäñ, gaýasañ-gaýmañ,
Ysgasañ gül-gunçañ, öwsüp al-elwan,
Zülpüñ sypan daragyñda bolaryn.

GYZ:
Ýolagçy eglense, soragy gerek,
Näzik baldaklara diregi gerek,
Gyz - göz, gabak deýin goragy gerek,
Sen hemishe bolgun meniñ ýanymda.

OGLAN:
Humaý gözleñ synlap bilmen gana men,
Dagym bolsañ, gapdalyñda gaýa men,
Söýgi shäheriñde belent gala men,
Elmydama goragyñda bolaryn.

GYZ:
Gözlem düshüp dursun eziz göreje,
Rysk - ashymyz garylsyn bir sanaja,
Durmush ýolun geçeli biz bileje,
Sen hemishe bolgun meniñ ýanymda.

OGLAN:
Bile ýashaýanlañ bagtly däl bary,
Bagtym bolgun, hem köñlümiñ karary,
Seni görse öçmez gözlermiñ nury,
Ýanyñda hem ýüregiñde bolaryn.


Awtor Mämmetgurban Mämmetgurbanow