Atam şeý diýerdi:"Ýersiz günäden,
Biderek dawadan, şerden daş bolgun!
Dünýä inen bolsañ, bu giñ dünýäden
Nägile bolmagyn, göwni hoş bolgun!

Hemişe arzuwlan içinde gaýnap,
Çille deý çytylyp, ýaz ýaly maýlap,
Haramy seljerip, halaly saýlap,
Kimselere bahar, kime gyş bolgun!

Işiñ şowly bolup, bagtyñ ýar wagty,
Gaçmagyn Il saña hyrydar wagty,
Ýol gazangyn, oglum, atyñ bar wagty,
Asmanyñ bar wagty uçar guş bolgun!

Şoldur gaýrat, işläp ýüzüñ der bolsa,
Karun dälsiñ, topulmagyn zer bolsa,
Il-günüñ haýryna ýörhä-ýör bolsa,
Öñe düşüp özgelere baş bolgun!

Mämmet Seýidow
Türkmenistanyñ halk ýazyjysy