Başym egsilmesin namart öňünde
Döşüm gabarmasyn ejiz görende
Pespällik ber iki elläp bereňde
Hiç haçan men menlik etdirme Allam!

Düzüw bolsun niýetim hem ahlagym
Halal iýdir harama-da bakmaýyn
Bir gün duza müň gün salam saklaýyn
Edep ber iýenimi depdirme Allam!

Ýigitlikde gaýrat bolsun golumda
Kalpda hyjuw, hünär bolsun elimde
Namazlykda egsin başym egilse
Özge wagt dyzyma çökdürme Allam!

Açlygyn eminden gelerin her dem
Doklugyn agramyn çekmesin gerden
"Öz elim öz ýakam" eýlegin berseň
Başganyň minnetin çekdirme ALLAM!