Başym egilmesin namart oňinde,
Döşüm gabarmasyn ejiz görende,
Pespällik ber iki elläp bereňde
Hiç haçan men menlik etdirme Allam!

Düzüw bolsun niýetlem hem ahlagym,
Halal iýdir, harama-da bakmaýyn,
Bir gün duza müň gün salam saklaýyn,
Edep ber, iýenim depdirme Allam!

Ýigitlikde gaýrat bolsun golumda,
Kalpda hyjuw, hünär bolsun elimde,
Namazlykda egsin başym egilse,
Özge wagt dyzyma çökdürme Allam!

Açlygyň eminden gelerin her dem
Dokluguň agramyn çekmesin gerden,
" Öz elim-öz ýakam " eýlegin berseň
Başganyň minnetin çekdirme Allam!