Sabryň düýbi sap altyndan bolarmyş
Dostum,sabyrly bol, kanagatly bol
Kanagaty bara döwlet gelermiş 
Sabyrly bol, kanagatly, bagtly bol
Durmuşda tupan bar, harasat, gaý bar
Ejizi syndyrar, merdany saýlar
Toprak bir topragyň müň edip gaýtar
Ene toprak ýaly sahabatly bol
Gazanjyň gor bolsun, gaýmak deý sakla
Bereý diýse rysgal döwlet kän hakda
Söwdaýy sowurma, baýlygyň bukma
Hasap guşy ýaly, hasabatly bol
Ataňy ynjytsaň, pygamber ynjar
Eneňi ynjytsaň Biribar ynjar
Ýagşyzada ýaly belent bol ynsan
Ataňa-eneňe sagadatly bol
Her bir kalpda bardyr Hakdan terezi
Merdiň dagy beýik giňdir deresi
Muhannesiň ahyr dargar deregi
Edil Süleýman deý adalatly bol
Sapar aýdar kylgyl topraga togap
Günäň özi geler, gözlegiň sogap
Halkyň,il-ulusyň,diliňde dogaň
Diýaryňa mydam ybadatly bol

(Beýik Saparmyrat Turkmenbashy )