Akyldar sen hem parasatly dana,
Dür paýhasyñ älem-jahan çyragy,
Her setiriñ ýugrulansoñ çuñ mana,
Dile sena bolup doldy,Pyragy!

Arzuwlaryñ wysalyny gördük biz,
Garaşsyz,Bitarap döwlet gurduk biz,
Arkadagyñ payhasyna uyduk biz,
Bagtyýarlyk döwrüñ geldi,Pyragy!

Öwüt-pentleñ ähli ýerde oñlanýar,
Gazal,bentleñ aýdym bolup ýañlanýar,
Teşne göwünlerde söýlüp diñlenýär,
Sözleriñ kalplara doldy,Pyragy!

Werziş bolduk sözleriñ ýat tutmaga,
Nakyl deý setirleñ kalba gatmaga,
Her ýylda uludan toýuñ etmäge,
Ýüreklerde orun aldy,Pyragy!

Arkadagym şöhrat berdi,şan berdi,
Daglardan binýatly heýkeliñ gurdy,
Synla, agzybir il,berkarar ýurdy,
Dillerde sena boldy,Pyragy!

Awtor:Bazar Şalyýew,şahyr