Bir saňa beripdim köňül kööşgümi,
Sen meni terk edip bagtly boldynmy?
Güler ýüzli ýere çalyp yşkymy?
Sen meni terk edip bagtly bollunmy?

Belent goýdum el degirmän mermeri,
Başardykça bagş ederdim her demi,
Emma, oýnuň ejizletdi merdemi,
Sen meni terk edip bagtly boldynmy?

Deňemedim bilseň, saňa her zeri,
Saýdym dünýäň gözellerniň serweri,
Goradym,, gabandym, ýöne sen weli...
Sen meni terk edip bagtly boldunmy?

Garalsa bagt guşy saýmazlar guwy,
Hemmekim içmeýär bulançak suwy,
Seni hä biledim, gywatym gowy,
Sen meni terk edip bagtly bolduňmy?