Şäherdäki doganlarma gaýdypdym,
Gabat gelli birden obadaş Oraz.
Diýende "ugryň ýok" diýipdim menem,
-Aý, ýöne aýagym agyrýar biraz.

Iki hepde ýene oba dolandym,
Birgeňsi dikanlap bakýarlar maňa.
Başlyk ýoldan çykyp ilki ýüzlendi,
-Hallaryň neneňsi aýakdan ýaňa?

Soňra obadaşlar Bahardyr, Parça
Diýdiler: - Abatmy çykan aýagyn?
Gaşlaryn çytdyda Mamajan daýza,
- Haý ýegen iýipsin şäher taýagyn!

-Oglumjan bolarsyn görmedik ýaly,
Diýeni ýaňydy Mähriban eje.
Şo bada baldyzy:- Ýasama aýak
bolarmy öňki deý heýde gelneje!

Goňşym diýdi: - Gutuldynmy bireýýäm,
Aýagyn döwülip ýatypsyn aýlap.
Hälem, Alla şükür, gybatçylarmyz,
Dine soňky ýola eltmändir jaýlap.

Awtor: Ahmet Arazow