Biziň söýgümize düşdi aýralyk,
Ýönekeý bir düşünmezlik döredi,
,,Nirä gitsin, geler ýene aýlanyp''
Şol pikir aňymyzda ýöredi,

Bir-birimize atdyk günäni,
Parhyna, baranda düşüner diýdik,
aramyza saldyk wagty, senäni,
söýgümize aýralyk düşüpdi şeýdip,

Ondan bäri ýene ençe wagt geçdi,
Gün dogdy, aý dolandy, ýyl döndi,
Saňa gujak açdy, nikalar köşgi,
Şeýdip, ýüregiňden yşk ody söndi.

Gussa batyp, sensiz galanam bolsam,
Üýtgemedi, häsiýetim, şatlygym, gülşüm,
Haçan-da seni bir ýerde, görsem,
Gabanýaryn seni, şol öňki bolşum.

R. Mämetgurbanow
imo: 62170536
gmail: rmametgurbanow@gmail.com