Hatym okap durkaň şol gün ýagyşda,
Diýdiň: "duýgularňy şeýdip nagyşla,
Arman kalpda özge, meni bagyşla,
Söýebilmen" diýeniňde men bardym.

Ejir çeken wagty ykbal daragtyň,
Söýeniň ters bakyp, kemände bagtyň,
Söýgiň gujagynda uçmaly wagtyň,
Yşkdan zar-zar aglanyňda men bardym.

Men baryn, men seni soraglap ýörin,
Seni del gözlerden goraglap ýörin,
Ah, arman ezizim özgäniň törün,
Gelin bolup bezäňde-de men bardym.

Maksat ESENOW.