Gözlen oýnamasyn sakla erkini
Din-imana bagla ýürek örküni
Elwan bägüllerden ajap görküni
Ýaman gözlülerden gorap ýaşagyn.

Dost diýip duşmana baglaýma bili
Musulman gyzysyn ýitirme dini
Öljegni bilsende allama ili
Diňe hakykaty sözläp ýaşagyn.

Bir gün gyz başyňa atarlar kürte
Şol gün gyz bolsanda gelinsiň erte
Süýjülik suwuny ýüzüne sürtde
Bagty bir nikadan gözläp ýaşagyn.

Internet sahypasyndan