AÝAL-GYZ ATLARY
a.—arapça‚ p.—parsça‚ t.—täjikçe‚ ser.—seredeň.
Belki siziň atlaryňyzam bardyr?
Abadan (p.) — abadan‚ abadançylyk.
Agabeg — agasynyň begi.
Agabike — agasynyň bikesi.
Agagül — agasynyň güli.
Agajemal — agasynyň gözel yýasy.
Ajaýyp (a.) — geň‚ täsin‚ ajap.
Aýbahar — baharda doglan aý ýaly gyz.
Aýbibi — aý ýaly owadan gyz.
Aýbike — aý ýaly gözel gyz.
Aýbölek — aýyň bölegi.
Aýbäbek — aý ýaly çaga.
Aýgözel — aý ýaly gözel.
Aýdolan — aý dolanda doglan.
Aýjahan — älem-jahanyň aýy.
Aýjemal — aý ýaly gözel.
Aýna — 1) Anna‚ Adine (a.) ; 2) aýna ýaly gözel‚ päkize.
Aýnabat — aý ýaly gözel‚ nabat ýaly süýji.
Aýnur — aýyň nury.
Aýogul — aý ýaly gözel gyzyň yzyndan ogul bolsun.
Aýperi — aý ýaly gözel peri.
Aýsenem — aý ýaly owadan.
Aýsere — aý ýaly gözelleriň seresi.
Aýsoltan — aý ýaly gözelleriň soltany.
Aýsuluw — aý ýaly owadan (suluw — «owadan»‚
«gözel»).
Aýtuwak — perdede doglan aý ýaly gyz.
Aýtäç — täçli‚ aý ýaly gyz.
Aýçemen — aý ýaly owadan; gülleriň çemeni.
Akbibi — bagtly we mähriban gyz ýa-da bagtly hanym.
Akbike — bagtly gyz‚ bagtly hanym.
Akbäbek — bagtly çaga.
Akgözel — bagtly‚ gözel çaga.
Akgül — bagtly‚ gül ýaly gyz.
Akjahan — bagtly we açyk‚ giň göwrümli gyz.
Akjemal — bagtly we owadan gyz.
Akmaral — bagtly we gözel gyz.
Akmaýa — bagtly we maýa ýaly ýuwaş.
Akmeňli — bedeninde meňi bolan bagtly gyz.
Aknabat — bagtly we süýji dilli.
Akpamyk — bagtly we pamyk ýaly mylaýym.
Alma ― alma ýaly
Altyn — gymmat bahaly.
Arzuw — arzuw bilen ýetilen.
Bahar — baharda doglan‚ şadyýan.
Bibi — hanym‚ gyz dogan.
Bike — hanym‚ begim.
Bilbil — saýrak dilli‚ şol owaz.
Bossan — gözel‚ bagy-bossan ýaly ýakymly.
Geňlik — geň‚ täsin gyz.
Göwher — gymmat bahaly‚ gözel.
Gunça — gülüň gunçasy.
Gül — gül ýaly owadan.
Gymmat (a.) — gymmat bahaly.
Gyrmyzy — gözel‚ owadan.
Datly — süýji‚ şirin dilli.
Dessegül — gülüň dessesi owadan‚ gözel.
Doýduk — gyzymyz ýeterlik.
Döndi — şu gyzyň yzyndan ogul bolsun (ogla dönsün).
Dünýä — dünýä ýaly owadan.
Dünýägözel — dünýäde iň gözel.
Dürjemal — dür ýaly gözel‚ owadan‚ gymmat bahaly.
Dürli — 1) şu gyzyň yzyndan ogul bolsun (dürlülensin) ;
2) Dürjemal ýaly goşma adyň gysgalan görnüşi.
Ýeter — gyzmyz ýeterlik‚ indi ogul bolsun.
Jahan (a.) — dünýä‚ ýagty giň göwrümli ýa-da iň owadan.
Jemal‚ jemile (a.) — owadanlyk‚ görkem‚ gelşikli.
Jennet (a.) — behişt‚ uçmah.
Jeren — jeren ýaly owadan‚ gelşikli.
Jeýran -
Zeýnep (a.) —doly‚ dolmuş ýa-da belent‚ güýçli.
Zöhre (a.) — ýagty‚ ýaldyrawyk (daň ýyldyzy).
Zyba (p.) — owadan‚ görkli.
Zylyha (a.) manysy belli däl‚ ähtimal‚ ýakyn garyndaş.
Kamar (a.) — aý‚ ýagny owadan‚ ýüzi nuly.
Keýik — keýik ýaly çalasyn‚ owadan‚ görmegeý.
Kümüş — gymmat bahaly‚ gözel.
Leýli (a.) — liliýa (gül)‚ ýagny owadan‚ gözel.
Läle — gül‚ gülzar.
Maýsa — maýsa (bahar) wagty doglan ýa-da owadan‚
göwün açyk.
Mama — mamasynyň ady dakylan ýa-da mama bolsun.
Maral — maral ýaly owadan‚ gelşikli.
Mahym (p.) — aý‚ meniň aýym.
Maýa — maýa ýaly ýuwaş‚ owadan.
Merjen (a.) — gymmat bahaly‚ owadan.
Miwe — miwe ýaly süýji‚ şirin dilli.
Mugja — gülgüň gunçasy.
Mylaýym — ýuwaş‚ mylaýym.
Mähri (parsça «mah-ruý») — aý ýüzli‚ owadan.
Nabat (a.) — şirin-şeker‚ süýji dilli.
Nowbahar‚ Nopar (p.) — täze bahar‚ ýagny baharda
doglan.
Nurjahan (a.‚ p.) — dünýä şöhle saçýan‚ jahanyň nury.
Näzik — mylaýym‚ näzik.
Owadan — gözel‚ görmegeý.
Ogul (ogulbagt) — şu gyzyň yzyndan ogul bolsun.
Otaga — belent mertebeli‚ başyň täçi.
Pamyk — mylaýym‚ hoş gylykly.
Parahat (a.) — ýuwaş‚ asuda‚ bagtly.
Parça — ýüpek ýaly ýümşak‚ mylaýym.
Patma (a.) — süýtden aýrylan.
Sadap (a.) — 1) sadap ýaly owadan; 2) dişli doglan.
Sapdy (Ogulsapdy) — şu gyzyň yzyndan ogul bolsun (ogul
sapsyn).
Selbi‚ Serwi — serwi ýaly gelşikli‚ syratly‚ owadan.
Senewer‚ Senuber (p.) — sosna‚ sosna ýaly uzyn boýly‚
gelşikli.
Senem (a.) — gözel‚ görkli.
Sere — görkli‚ gyzlaryň seresi.
Solmaz — güllesin‚ ölmesin.
Sona — sona ýaly owadan‚ görmegeý.
Suraý (a.) — owadan‚ şöhleli (Suraýýa — ýyldyz ady).
Sülgün — sülgün ýaly owadan‚ görmegeý.
Sähra — sähra ýaly açyk‚ giň.
Sähragül — sähranyň güli‚ gözel.
Tawus — tawus ýaly owdan‚ gözel‚ gelşikli.
Taňgül — geň gül‚ owdan‚ täsin gözel.
Tawşan — ullakan gözel‚ çalasyn.
Toty — toty ýaly owadan‚ saýrak.
Tumar — eý görülýän‚ guwanylýan.
Tylla — gymmat bahaly.
Uzuk — owadan‚ gelşikli‚ görmegeý.
Hajar (ýewreýçe) — göçe‚ göçüp ýören.
Hajat‚ Ogulhajat — ogul gerek.
Hatyja (a.) — ir doglan.
Hezzet‚ Ezzet — hezzetli‚ hormata mynasyp.
Hesel (a.) — bal‚ süýji dilli.
Humaý (p.) — bagt guşy‚ owadan.
Hurma — hurma ýaly süýji‚ şirin dilli.
Hüýrjemal (a.) — peri ýaly gözel.
Çebşek — tawşanyň çagasy‚ gözi ullakan.
Çemen — gül dessesi‚ görkli‚ gözel.
Çynar — çynat ýaly uzyn boýly‚ syratly.
Çäjek‚ Jäjek — owadan‚ täsin.
Şeker — şirin-şerbet‚ süýji dilli.
Şemşat (p.) — şemşat agajy ýaly suratly‚ gözel.
Ybagül — ybagül‚ ýagny akylly‚ owadan.
Eje‚ Ejegül — enesiniň ýa-da mamasynyň ady dakylan.
Ene — enesiniň ady dakylan.
Äşe‚ Aýşa (a.) — ýaşaýan‚ ýaşagyç‚ jany berk.
Ýaňyl — täzelen‚ ýagny indi ogul bolsun.