Teşnelik, ýadawlyk, işe ukyplylygyň peselmegi we semremek organizmde duzuň artykmaçlygyny görkezip biler. Bu barada dietolog Ýelena Solomatina gürrüň berdi diýip, MIR24 belleýär.


Hünärmeniň aýtmagyna görä, organizmde duz artykmaçlyk eden ýagdaýynda gan goýalyp, kelle beýnisini we ýüregi ýaramaz iýmitlendirýär, netijede ýadawlyk we gowşaklyk ýüze çykýar. Şonuň netijesinde, adam işe ukyplylygyny, ünsüni jemlemek ukybyny ýitirýär, onuň arterial basyşy ýokarlanýar we gaharlanma ýüze çykýar.
Duzly iýmitleri yzygiderli iýeniňde organizm köp suw talap edýär, bu hem çişlere we agramyň artmagyna getirýär. Gözüň aşagyndaky haltajyklar, barmagyňa ýüzük dakyp bilmezlik, aýakgabyň gysýandygyny duýmak – bularyň ählisi organizmde duzly iýmitden soň içilen suwuklygyň saklanmagynyň netijesidir diýip, hünärmen belledi.