Ýewropanyň we Hytaýyň arasyndaky gaz söweşi
Norwegiýanyň “Rystad Energy” konsalting kompaniýasynyň gaz bazarlarynyň başlygynyň orunbasary Sindre Knutsson, Ýewropadakydan has çalt ösýän Hytaýda energiýa islegi sebäpli Ýewropa bazaryndaky gazyň bahasy müň kub metr üçin 2000 dollara çenli ýokarlanjakdygyny çaklaýar.
Häzirki wagtda Hytaýda elektrik energiýasynyň öndürilişiniň azalmagyna sebäp bolýan ähli görnüşli energiýa ýetmezçiligi başdan geçirilýär. Hytaýyň birnäçe welaýatynda senagat kärhanalaryna elektrik üpjünçiligi çäkli we öz wagtynda.
Pekin, energiýa çeşmeleriniň ýetmezçiliginiň ilatyň energiýa we ýylylyk üpjünçiliginiň kesilmegine, esasanam demirgazyk welaýatlarynda päsgelçilik döretmeginiň öňüni almak isleýär. Ýyladyş möwsümi başlamazdan ozal Hytaýda döwlet we hususy energiýa kompaniýalary LNG we turbageçiriji gazyny daşary ýurtlardan satyn almalaryny ep-esli artdyrdylar.
LNG-e bolan isleg diňe bir Hytaýda däl, goňşy ýurtlarda - Ýaponiýada, Günorta Koreýada, Taýwanda-da artýar. Demirgazyk-gündogar Aziýa bazarynda LNG spot ýükleri Ýewropadan has ýokary bahada satylýar.
Dünýäniň ösen ýurtlarynyň yzygiderli kynçylykly uly krizise düşmekligi bolsa bu ýurtlara ynamdar tebigy gaza we energiýa çeşmesine baý hemde ykdysadyýeti durnukly ýurdyň gözleginde bolmaklygyny aňlatýar. Beýle ýurtlar bolsa ýer şarynda barmak büküp sanaýmaly şolaryň iň ygtybarlylarynyň biri bolsa biziň eziz watanymyz Türkmenistandyr.