Oýlanmana mejbur eden günleriň
Saňa ýazdym, bu gün ýatlama sözüm.
Sensiz bu jahanda diwana özüm.
Belki şu hatymda ýatlarsyň meni.

Gaýtalama
Sensiz bu jahanda diwana özüm
Belki şu hatymda ýatlarsyň meni.

Bägül seniň adyň, ýürekde galyp.
Şeýle uzaklykdan ýatlatýar seni.
Belki şu sözlerim ýadyňa salyp
Aýralyk günüňde, ýatlarsyň meni.

Gaýtalama
Belki şu sözlerim ýadyňa salyp
Aýralyk günüňde, ýatlarsyň meni

Aramyz uzakdyr, habar almana.
Hatlaryň mejbur edýär, ýada salmana.
Sen özgä dönüpsiň, ýary bolmana.
Belki şu hatymda, ýatlarsyň meni.

Gaýtalama
Sen özgä dönüpsiň, ýary bolmana.
Belki şu sözümde, ýatlarsyň meni.

Ýar söýdüňmi bu gün, özgäň ýüregin.
Hatlaryňda diýipdiňä, sensiň geregim.
Ýa puşman edýärmi, bileje duranyň.
Küýsär seniň göwnüň, ýatlarsyň meni.

Gaýtalama
Ýa puşman edýärmi, bileje duranyň.
Küýsär seniň göwnüň, ýatlarsyň meni

Gyzlyk dünýäň bir gün, galar daşyňda.
Bir nätanyş ýigit gelip, gonar başyňda.
Gyzyl kürtäň aýlap, zyňar başyňdan.
Belki şol gijede ýatlarsyň meni.

Gaýtalama
Gyzyl kürtäň aýlap salar başyňdan.
Belki şol gijede ýatlarsyň meni.

Pälwan söz soňlady, gaýgyly wagty.
Saňa arzuw etdi, tylladan tagty.
Belki meniň söýgüm, saňa taý däldir.
Belki sen özgeden, taparsyň bagty.

Ýa puşman edýärmi, bileje duranyň.
Küýsär seniň göwnüň, ýatlarsyň meni.
Gyzyl kürtäň aýlap, ah zyňar başyňdan.
Belki şol gijede, ýatlarsyň meni.
Belki şu hatymda, ýatlarsyň meni.