Salam! Asmany asuda, ili abat, ýüzleri nurly, ýigitleri namysly, gyzlary haýaly, kalplary joşgunly, berdaşy mizemez, çydamy synmaz, halal, zähmetkeş watandaşlar! Siziň rysgally ojagyňyzdan halallyk, bereket egsilmezligini dileýäris. Bize şeýle ajaýyp saýty peşgeş beren Abaddon agamyzyň jany sag, keýpi kök, maşgalasy abaddon bolsun.
Tüweleme! Saýtymyzda täze-täze agzalar, esasanam täze-täze şahyrlar peýda bolýar. Poeziýamyz gün-günden baýlaşýar. Bolawersin. Şeýle ajaýyp saýtymyz barka neneň joşmajak, neneň galkynmajak. Zehin, zähmet bar ýerde elbetde görüpçiligem, göwniýetmezçiligem bar.
Bu gün saýtymyzyň täze agzasy, täze şahyry, zehinli talyp ýigidimiz Juma şahyr bilen "Massimus production" gaýybana tanyşlyk guramasy söhbetdeşlik gurnamaga çalşar. Elbetde şahyr dostumyz garşy bolmasa.

1. Özüňiz barada gysgaça gürrüň beräýiň. (awtobiografiýa).
2. Şygyrýete girip gelşiňiz barada aýdyp beräýiň, kim maslahat berdi, kim ýol görkezdi?
3. Şägirtleriňiz barmy? Indi şahyr boljaklara maslahatlaryňyz nähili?
4. Özüňizi ýazyjylykda synap görmek isläňizokmy ýa eýýäm proza eserleriňizem barmy?
5. Şahsy durmuşyňyz barada gürrüň beräýiň. Gelnejeme (öýlenmedik bolsaňyz söýgüliňize) ýazan goşgularyňyzy paýlaşaýyň, eger mümkin bolsa.
6. Siziň üçin goşguda iň esasy zat näme?
7. Özüňizdäki ýazmak zehinini haçan duýup başladyňyz? Türkmen ýazyjy-şahyrlaryndan haýsylaryny has köp okaýarsyňyz?
8. Gomer taryhdan bilýän bolsaňyz iki gözem kör bolupdyr. Ýöne ol şonda-da "Odisseý", "Iliada" poemalaryny ýazypdyr. Gözi ýok adam nädip ýazdyka dost?
9. Agzalara başga-da hökman aýtmaly diýip hasaplaýan zatlaryňyz barmy?
10. Siziň "Daşoguzyň gyzlary" goşgyňyzy haladym. Tüweleme, hemme etraplary agzap geçipsiňiz? Beýleki welaýatlaryň gyzlary barada ýazmak niýetiňiz ýokmy? Gumdagyň gyzlary, Çarşaňňyň gyzlary göwnüne getiräýmesin.
11. Leonardo Da Winçi özüne goşgy ýazyp ugradan bir ädikçä şeýle hat ýollapdyr: "Siz ädik tikiň, köpräk ädik tikiň, Siz diňe ädik tikiň". Ädikçi nä adam dälmi, oňam ýazasy gelýändir. Şolar şeýle bahyl bolansoň häzirkilerden nämä garaşjak? Tankyt bilen araň nähili?
12. Özüňize ylham gelmegi üçin esasan näme edýäňiz?
13. Muşdaklaryňyz geljekde Sizden nähili eserlere garaşmaly? (şu ýerde mugt reklama edip bilersiňiz).
14. Goý Siziň janyňyz sag, başyňyz dik bolsun, dokma senagatynda Size uly-uly üstünlikler arzuw edýärin!
15. Agzalar sizem özüňizi gyzyklandyrýan soraglary sorap bilersiňiz.