Ilon Mask «Twitter-iň» ýerine ýetiriji baş direktory wezipesine Floki atly itini belledi. Bu barada onuň «Twitter» hasabynda we internet web-saýtlarda mälim edilýär.
Ilon Mask kompaniýanyň täze ýolbaşçysy Flokiniň resminamalar we noutbuk bilen gurşalan baş direktoryň stolunda «Twitter» nyşanly köýnekçeli suratyny özüniň sosial hasabynda paýlaşdy. Flokiden ozal kompaniýanyň ýerine ýetiriji direktory bolup, 38 ýaşly Parag Agrawal işläpdi.
— «Onuň sanlar bilen arasy gowy» — diýip, Ilon Mask iti we täze baş direktor barada twit paýlaşdy.
Kompaniýa ýakynda ençeme işgärini işden boşatdy. Şunuň bilen birlikde ýolbaşçy düzüminiň hem täzelenendigini bellemek gerek.

Çeşmesi: https://salamnews.tm/section/tehnologiya/others/twitter-in-taze-bas-direktory-wezipesine-ilon-maskyn-iti-bellendi-f6daa0. 16.02.2023ý.