Begendirjek bolup gele-gelmäne,
«Saňa bir hoş habar aýtmakçy» diýýäň.
Söýgüden püre-pür dideleň görüp,
Wah, men bir adamlyk begendim eýýäm.

Besdir ýylgyranyň gaşlaryň gerip,
Meniň begenenim görmekçi bolsaň,
Aşa begenmekden gorkýan-a, ynan,
Menem hezil edip begenjek ýogsam.

Mundan artyk begendirme, bes indi,
Artyk bolaýmasyn arzyly jümläň.
Birden, begenjimden iki bolaýsam,
Kösenerin seni paýlaşyp bilmän.

Myrat Gurbanow