Bu gün...
Gün öňküden juda üýtgeşik dogdy,
Gaýtadan dörän deý terlendi älem.
Bir üýtgeşik syry duýdurýan ýaly,
Baglaram ygşyldap, ses etdi näler.

Gelnaljysy geljek ulugyz kimin,
Bezenipdir tylla sary ýaýlalar.
Haýsy ýan garasam, albaý bulaýlap,
Gara gözler garap duran ýaly-la.

Bulutlaň çetinden ýylgyryp Günüň,
Kämahal göwünlik bererne bakman,
Kä garaldyň, käte açyldyň weli,
Ýa senem bir zatlar aňdyňmy, Asman?!

Adamlar, bir pursat işiňiz goýup,
Tebil tapan bu Zemine syn ediň!
Öň gussadan solan ýapraklaň bu gün
Umyt bolup ülpüldeýşi nämeden?!

...Özgeripdir dünýä, gözelleşipdir,
Bir gijede ýaşarypdyr görnetin.
Sözlesene, dünýäm, bu üýtgeşik gün
Oýnumyka gülüp gelen on ýediň?!

Kakamyrat Rejebow
17.11.2003