Ýakymly bolsun.
Gaharlanma hijem ýylgyrsyn ýüzüň,
Ýaz şemaly ýaly ýakymly bolsun.
Ýagşy sözle hergiz her aýtjak sözüň,
Has, süýji bal ýaly ýokumly bolsun.

Malam aglar eken kemsitseň aşa,
Elmydam kalbyňy getirgin joşa,
Başarsaň adamy güldürip ýaşa,
Sözüň derýa deý päk akymly bolsun.

Ömrüňiz hem ýagşy zatlara gatyň,
Ýalan-ýaşryklarňyz çukura atyň,
Gyşarylma dogry bolsun häsýetiň,
Ýaramaz endikden ýykymly bolsun.

Sözlerin diňlegin beýik dananyň,
Şükür edip ýaşa bolmaz sananyň,
Çykmagyn hukukdan bilgin kanunyň,
Mukaddes däplere bakymly bolsun.
Hojageldiýew Dawut.