Söz açañda dowam etjek,
Bir ýürekdeş dostuñ bolsa.
Derdiñ bolsa bile çekjek,
Arka durjak dostuñ bolsa.

Öz bagtyndan üstün görüp,
Ynam tanabyny düwüp,
Iýen duzun ikä bölüp,
Deñ paýlaşjak dostuñ bolsa.

Köki uzalyp daragtyñ,
Dostlyk deýin uzap gitse.
Ýalñyş gadam basan wagtyñ,
Dogrulajak dostuñ bolsa.

Dostuñ bolar syrdaşyñ,
Dostuñ bolar gardaşyñ,
Birden egilse-de başyñ,
Belent tutjak dostuñ bolsa.

Awtory: Jemşit Hajymämmedow