Üç söz
Ýok, ýok, näletleme herhal özüňi,
Ähli günä-ýazyk mende, bagyşla!
Şygra gezek galsa dile çeperdim,
Saňa üç söz aýdaýmadym nagyşlap.

Sen bolsa bu söze uzak garaşdyň,
Gije-gündiziňi dözüp garaşdyň,
Eý, ýigit!
Şol söze gezek galanda,
Sözläp bilmän, öz-özüme çolaşdym.

Şeýdip uzaklaşdyň, bu gün ýalňyz men,
Pylança ýyl dagyn geçipdir eýýäm.
...Ah-h, bizem-ä bagtly bolardyk belki,
Çekinmän diýsedim: "Men seni söýýän..."

      Uzuk Nowruzowa