Ilki bilen kakaň gitdi eliňden,
Käbäňem ýakynda dünýeden ötdi.
Soň başyňy tama urup ýörşüňe,
Maňlaýyňdan a:l gan paýyrdap gitdi.

Ejir berdiň, sütem etdiň özüňe,
Ýüregiňe aýylganç nagra saldyň.
Ýaş başyňy ýasa bogup bialaç,
Ýetim owlak ýaly hossarsyz galdyň.

Sende hossaryň ýok, mende-de sen ýok,
Emma seň adyňa goşgularym kän.
Dogry saňa bagtly diýip bilemok,
Men saňa bagtsyzam diýip biljek däl.

Uzuk NOWRUZOWA