Heň bolup gitsem.
Durna deýin päk asmana uçaýyn,
Aýdymlarda şirin heň bolup gitsem.
Ýeňil hemde kyn ýollary geçeýin,
Hemme bilen hakym deň bolup gitsem.

Ýagşylaň ýanynda gül deý biteýin,
Ýamanlara indi mydam ýiteýin,
Assa ýöräp maksadyma ýeteýin,
Darykman elmydam giň bolup gitsem.

Hiç kim ýalan söýgüň çekmesin gamyn,
Illeriň üstünden gözlemen kemin,
Kömek berip her bir ynsan ýardamyn,
Her kişiň kalbyna em bolup gitsem.

Ömrüm müdümilik ylhama sepläp,
Pyragyn goýan hem hoşasyn çöpläp,
Her sözümi dogry, manyly gepläp,
Ýaňra däl her ýerde sem bolup gitsem.
Dawut Hojageldiýew.