5-nji maýda Ýeriň ýaşaýjylary Aýyň ýarym kölegeli tutulmagyny synlap bilerler. Bu barada duşenbe güni TASS Moskwa Planetariýasynyň metbugat gullugyna salgylanyp habar berdi.

Aý ýarym kölegeli tutulanda, Ýeriň kölegesiniň ýarym kölege diýilýän daşky sebitinden geçýär. Bu gezek ol Mizan ýyldyzlar toplumynda bolmak bilen, onuň günorta böleginden geçer.
Planetariýada Aýyň anna gününden şenbe gününe geçilen gije 20:14-den 00:31-e çenli (aşgabat wagty) Ýeriň ýarym kölegesinden geçjekdigini kesgitlendi.
Aýyň tutulmagy 4 sagat 17 minut dowam eder. Onuň aňrybaş tutulmasy, tutuş Aý Ýeriň ýarym kölegesine doly çümüberende, aşgabat wagty bilen 22:23-de bolup geçer.
Alymlar şol wagt Aýyň demirgazyk gyrasynyň garaňkylygynyň açyk howada aç-açan göze görünjekdigini bellediler.
Aý tutulmasy Antarktidanyň, Aziýanyň köp böleginde, Günorta we Gündogar Ýewropada, Awstraliýada, Afrikada we Ýuwaş ummanyň, Atlantik we Hindi ummanlarynyň suwlarynda, Russiýanyň, Taýmyrdan we Çukotkadan başga, köp böleginde görner.

Çeşme - tmcars.info