Hemme kişiň halaýan bir roman görnüşi bolýar. Meniň halaýan romanlarym gizli (polisiye) we gorkunç romanlar. Sebäbi bular bilesigelijilik derejesini gaty ýokarlandyrmagy başarýarlar. Ýagny ruhy has janly saklaýar okap başlasaň. Menem size okan gizlinlik/gorky romanlarymyň käbirini paýlaşmak isleýärin (ýalňyşlyklaryň howada gaýyp ýören saýdynda roman paýlaşmak nä derejede dogry olam aýry mesele). Birem menem "ň", "ý" goýup ýazyp başlaýyn saýtdakylaryň esasy bölegi şeýtýär eken welin, ýaltanýardymaý başda ýazýançaň 2 sagat. Ýöne grammatika hormatym uly. Näme bolsa Google Playda öz dilleri bilen däl-de (suwjaryp) türkçe teswir ýazýanlar ýalaga däl, şükür. Borda tema geçeýin.

1. Paranoya - Tami Hoag.
Birinji maddada Tami Hoag eseri bar. Örän gowy roman. Esasy aýratynlygy bolsa dili ýeňil, okamak aňsat suw ýaly akyp geçýär. Men türkçe okaýan bilmedim eýleki dillerde nähili. Hekaýamyzda Andy Fallon atly bir ýigit ölýär, baş gahryman polisiýalarymyz öýüne baranda asylgy duran eken (endamy durşuna ýalaňaç), öňünde aýna dur eken ullakan ýokarsynda hem "gynanýan" diýip ýazylypdyr. Şol jenaýaty işleýär awtor, özüni öldürdimi, ýa-da özi bir psihopatmy, öldürildimi, elbetde başga wakalara hem baglanýar, iş çuňlaşýar. Sähelçe aýdyp geçýän şuwagt sebäbi biraz aýtsam gyzygy galmaýar. Men awtora erkekmikä öýtsem aýal eken geň galdym. Gaty gyzyklydyr, wagtyň nädip geçenini bilmersiňiz, men elektron görnüşini alamda göni oturamda 160 sahypasyny okapdym. 3 günde dyndym. Hökman okaň, dili aňsat we örän gyzykly.

2. Kizil Nehirler - Jean Christophe Grange.
Poliseýskiý romanlaryň atasy. Eger okamadyk bolsaň gynanýaryn saňa. Ajaýyp eser. Bu kitap meşhur kitap köpüňiz bilýänsiňiz. Diňe Fransiýada 400.000 satylypdyr, Türkiýede 70-e ýetipdir çapy, bir çapda azyndan 3 müň kitap bardygyny çaklasak örän köp satylypdyr. Grange şeýlede gaty gowy ýazýar, ýagny bu adam bir nahar kitaby ýazsa alyp okaň. Hemme kitaplary gowudyr onuň, bu işiň ussady çyndanam, adamyň bir erbet kitabam ýok. Aslynda meşhur bolany üçin goýdum bolmasa hemme kitabam maslahat bermäge degýär. Birazajyk dili agyr diýäýmeseň. Kitapdaky hekaýa daşda ýerleşýän bir uniwersitet we şol ýerdäki jenaýatlar bilen baglanyşykly. Baş gahryman polisiýa Pierre Niemans daglyk ýerde, gaýalyklaryň arasyna ýerleşdirilip, gözleri oýulyp, köselip, endamlary ýakylyp öldürlen adamyň jenaýatyny alyp çykmak üçin şol ýere ugradylýar. Bu adamyň näme üçin gözleri oýulan? Gaýalyklaryň içine näme üçin ýerleşdirildi? Esasanam ganhor diňe şu jenaýat bilen durarmy ýa-da başga jenaýatlar işlärmi?
Umuman örän gyzykly, hökman okalmaly kitaplaryň biri. Gaty gizlin zatlaram bar, iblisler bar, olar kim, ony özüňiz okap biliň.

3. Başsyz atly - Maýn Rig.
Aslynda kiçikkäm okapdym bu kitaby. Türkmençesem bar bu kitabyň ýagny terjime edilipdir 1979-da. Kitapda gorkunç zat ýok, ýöne gaty uly gizlinlik bar we sizde gowy bilesigelijilik döreder. Okan bolmagyňyz ahmal. Gysgaça hekaýamyzda adyndanam belli bolşy ýaly bir başsyz atly çykýar, atyň üstünde bir adam bar ýöne kellesi ýok. We ýaşaýyjylaryň köpüsem ony görüp haýran galýalar. Nädip bu adam kellesiniň ýokdugyna garamazdan at çapyp aýlanyp ýör, ýykylman atyň üstünde otyr. Kitaby menä haladym, kiçikäm okapdym ýöne täzeden okajak ýene.

4. Koloni - Jean Christophe Grange.
Ýaňky atamyzyň ýene bir ajaýyp eseri. Umuman Grange çylşyrymlaşdyryp ýazýar. Bu eseri has çylşyrymly, wakadan waka geçýäris, okap otyrkaňyz "bu beýle boldy, olam beýle, onam beýtdi" diýip pikir edersiňiz. Gaty gyzykly. Edil Gyzyl Derýalar ýaly däl, Gyzyl Derýalardan has çylşyrymly, meniň pikirimçe Gyzyl Derýalar sähelçe gowumyka diýýärin, ýöne sähelçe. Munuň eserleri çylşyrymlydyr, ýagny hakyky real ýaly düşündirip bilýär, ýaňy ýazdym Tami Hoag bolsa ýüzleý düşündirýär, ýagny kän çylşyrymly däl, şeýle okap geçip gidýäňiz. Şol sebäpli aňsat ýagny başlangyç üçin okasaň suw ýaly gider.

Birem Tess Gerritseniň "Cerrah" kitabam bar ýöne has ulaldylan, şol sebäpli biraz ulular okasa gowy bolar ýöne kitap gaty gowy, isleýänler okasyn.

Siziňem normalnyja bilýänlerňiz bar bolsa ýazyň, haýsylary gowy görýäňiz.