Goýup söýgüň gamly ýerin,
Şatlygymy alyp gaýtdym.
Asyl-ha umyt etmerin,
Onam tala daňyp gaýtdym.

Kän kalbyň gidim-gelimi,
Bilmen haýsy bor geliniň,
Heniz tutmadyk eliňi,
Dulugyňa çalyp gaýtdym.

Merkini berdim gedemiň,
Oňat bolaýdy şeýdenim,
Ynjan göwnümi göterip,
Guş deý göge galyp gaýtdym.

"Sen-sene" aldanyp ýören,
Ot kimin alawlap duran,
Aklym bilen söweş guran,
Ýüregimi ýeňip gaýtdym.
Indiden soň hiçkimsäni,
Söýmejegmi bilip gaýtdym.

Uzuk NOWRUZOWA