Asmanda Aý – Çagakam
elimden uçuran şarym.
Ömürbaky Aýa bakan,
el uzadyp ýaşaryn…

Musaýy buthana barýar,
Metjide barýar musulman ,
Ýalbarýarlar bir Hudaýa.
Ikisi bir dine sygman.
Men garaňky köçede,
Ellerim serýän Aýa.

Özüme jaý gurundym karzyna.
Ýaşamadym.
Ýaşadylar.
Asman başymy çaýkaýa.
Depämde üýşen ýyldyzlar
Mekan gözleýär göçere.
Ellerim serýän Aýa.

Kalbyma gondy gijeler,
Haýry ýok gündizleriň.
Aýa daňylan ýüp deý inçelen,
Elleriňde üzülerin.
Ellerim serýän Aýa.
Ellerim serýän Aýa.