Men Seni Asmandan gözledim mydam,
Dinlerden, dessandan gözledim mydam,
Sag wagtym—bir hili, bašga—hassakam,
Gülkimde–bir bašga, bašgaça—gussam,
Gaharda—bir tüÿsli, bašgaça—messan,
Toÿlarda—bir bašga, bašga—gabrystan;
Kimde duÿdum: merhumdamy, diride,
Men Saña has ÿakyn boldum nirede?

Göwnümde bolmasa, Asmanda barmy?
Ömrümde bolmasa, dessanda barmy?
Sag ÿakynmy ÿa-da dertliñ azary?
Šatlygma ÿakynmy? Gussama bagly?
Gahar kapyr bolsa,
Namysyñ ary
Diÿip görešenler šehitmi, kazy?
Sabyrdamy ÿa-da dara-direde,
Men Saña has golaÿ boldum nirede?

Sende haram saÿyp söÿgiñ gyjygyn,
Kör etdimmi gözlerini hyjuwyñ?
Aÿyp saÿyp sazyn dutar-gyjagyñ,
Gözledimmi hasratlaryñ gujagyn?
Aza:ndamy ÿa-da öÿle namazda,
Jynazadamy ÿa aÿdymdyr sazda,
Šu wagt šu ÿerdemi ÿa-da Beÿlede,
Men Saña has ÿakyn borun nirede?

Diñe bir öñde däl — sagda, solumda, Gözlem ÿeñsämde-de mydam ÿoluñda;
Ejiz guluñdamy ÿa-da zoruñda,
Batyldamy ÿa-da gözli körüñde,
Otlardamy, butlardamy, haçlarda,
Doklardamy, meslerdemi, açlarda,
Ownujak zatdamy ÿa-da iride,
Men Seni has ÿakyn duÿdum nirede?

Geçemdemi günälininñ günäsin?
Ÿuwdamdamy dünÿäliniñ dünÿäsin,
Duÿamdamy güwäsiziñ güwäsin,
Tapawudyn bilmän toÿ bilen ÿasyñ,
Serhoš bolup, ÿeriñ teÿin sermämde,
Serim sämäp, eden išim derñämde,
Duÿdur maña, suwsan süññüm süÿrede,
Men Saña has ÿakyn borun nirede?

Käbedemi ÿa Käbe deÿ göwünde,
Törümdemi ÿa özgäniñ öÿünde,
Aršyñ üstündemi, ÿeriñ teÿinde,
Bir bendäniñ ruhundamy, teninde,
Täretdemi, orazada, zekatda,
Ÿa duÿlardan beÿik bašga bir zatda,
Jogap barmy özüme-de, ile-de:
Biz Saña has ÿakyn borus nirede?..

Çary ATAÝEW