Adamyñ eshigini çykarman, ýyrtylan ýerini egnindekä çatsañ, akylyny-da çatýañ.

Ak zat gije dilenmeýär. Dilenip gelene bereñde hem üstünden ot geçirip, kükürt çakyp bermeli.

Alaja dakylsa - göz degmekden goraýar.

Ata-babasy ekmedik adam ajy zat ekse düshmeýär.

At alañda, mal, mashyn alañda, alnyna ak un çalsañ düshümli bolýar.

Aýalyñ köýnegini geýseñ, iteshen ören bolsa gutulýañ.

Balygyñ oñurgasy, barsyñ dyrnagy, towshanyñ süñki göz degmekden goraýar.

Birine saçak bashynda duz alyp berseñ, onuñ bilen öýkeleshýäñ.

Biriniñ üstüne gerinseñ, käýishýäñ.

Bishirilen nahary özüñ datman, goñsha dadyrmaga berseñ, bereket göçýär.

Bosaganyñ üstünde otursañ, dursañ, zat alsañ ýa-da zat berseñ, biri bilen görüshseñ - urushýañ, karzyñ köpelýär.

Bosh sallançagy üwreseñ, sheýtany üwreýäñ.

Bäbegi iki eliñi ashagyndan geçirip götermek günä.

Wagtynda ýöräp bilmedik çaganyñ aýagyny ýañy soýulan goýnuñ içegesi bilen dushap içegäni kesseñ, çilesi açylýar.

Gawun, garpyz, süýt önümlerini ogurlasañ, betbagtlyk getirýär.

Gazany pyçak bilen gazasañ agzalalyk bolýar.

Garañky düshensoñ towuk, mal soýmak günä.

Gije ýatañda jyn adyñy tutup gygyrsa, ajy zatlaryñ adyny tutmaly.

Gije öýi süpürip, zibil dökseñ, döwletiñ gaýdýar.

Goñshyokara getirilip, zat dadyrylanda, tabagy bosh gaýtarsañ, iki goñshynyñ arasyna sheýtan düshýär.

Göwreli aýalyñ öñünden monjuk çyksa gyzy, ashyk çyksa ogly bolýar.