Saña gelsem çaga ýaly bolýaryn,
Gül keshbiñe teshne ýüregim, obam.
Sende çagalygym ýada salýaryn,
Ykbal tugum, baky geregim, obam.

Ejem, kakam, sende guran ojagna,
Gör, niçe yhlasyn siñdirendirler.
Çagakam dashyña büdüräp, sojamda,
Aglasam, gör, näçe diñdirendirler.

Düzleriñde läle kakan günlerim,
Hakydama keshde bolup ornandyr.
Gujagyñda arzuwlarym shineläp,
Gül goýnuña wysal bolup ýaýrandyr.

Seleñ sähralañda çagalygym bar,
Mylaýym ene deý juda eziz sen.
Huzuryña seždä barýan, küýseýän,
Sensiz mährem mekan, mydam ejiz men.


Awtor Dursun Tekäýewa