Soñky döwür ýeñlesleşen beýnini,
Agyr zähmet däl-de pul heläk edýär,
Suwmeýilli gurbaga deý kalplary,
Her ýana uzaýan dil heläk edýär.

Kimler gussasyny ýoklajak bolýar,
Kimler güzerany aýlaýar zordan,
Arzuwyny ýassyk edip, ýassanyp,
Kimleri semizlik gözleýär hordan.

Ertire umydyn ýitirýär biri,
Ýene biri ,,söýgi" diýip uwlaýar,
Çünki, köplenç ynsan ýalñyş zat üçin,
Ak niýetin gara ýere duwlaýar.

,,Özüm bilýän" şygar bolup dillere,
Unudyldy bilinmeli möhümler,
Onda kimler üçin aýdyldy-ka ol-
- Danalardan dörän ajap pähimler.

Bir duýgy bar, ana şojagaz duýgy,
Ähli gowularyñ ujyny kertýär,
Soñky wagt ýeñlesleşen döwürde,
Süriñ sagdynyndan agsagy artýar.

Awtory: Baýram Bejidow