Gyz mashgalalary mydama synda bolýar. Shonuñ üçin, mähriban gyzlar, köpüñ üýshen ýerinde milli edep kadalaryny öýüñizdäki ýaly, hatda ondan-da berk berjaý ediñ. Shonda biedeplik sizden, sizem ýakymsyz gep-gürrüñlerden sowlup geçersiñiz.

Il üýshen ýerde çigit çigitläp, sakgyç çeýnemäñ. Köpüñ arasynda gäwüshäp durmak edepsizlikdir.

Agras boluñ, emma agraslykdan gödekligiñ çägine geçmäñ. Alçak boluñ, emma ýeñles gopýanlardan bolmañ. Çakdanasha alçaklyk hem gyz mashgalany bezeýän häsiýet däl.

Ýat kishilerden özüñizi çekeräk saklañ, tanyshlyga döwtalap bolmak gyzlara gelishýän däldir.

Pessaý ses bilen gürläñ. Gulaga ýakymsyz igençli, ýañsyly, paýysh sözleri dile almañ, çünki edep-ekramda gyz mashgala özgelere nusga bolmalydyr.

Ulugyzlara giñ-giñ ädimläp, batly ýöremek gelishýän däldir. Shonuñ üçinem, howlugyp ýöräniñizde-de ädimiñizi ýygjam alyñ.

Hereketleriñizde, geýnishiñizde we gürleýshiñizde özüñize üns çekmezligiñ aladasyny ediñ. Gyz mashgalanyñ özüni alyp barshynda köpüñ ünsüni çekmegi, onuñ "gözden düshmegine" getirip biler.

Myhmançylykda nahara-shora kanagatly boluñ, gyzlara soñ bashlap öñ goýmak ýarashýar.

Gap-gaç ýuwan ýuwundyñyzy dush gelen ýere dökmäñ, mala beriñ, itiñ ýalagyna guýuñ, ol hem bolmasa, ot-çöpüñ üstüne döküp, gush-gumry çoksun diýen niýetde boluñ.

Her gyz mashgala öý eshigini-de, toý eshigini-de özi tikmäge çalyshsyn. Biraz kem-köstlüräk bolaýanda-da, öz tikeniñ iliñ dilinde taryply bolýandyr.