Sen aglaýañ, mawy gözleñ kirpigne,
Düzlen dür damjalar shöhlesin saçýar.
Göýä ki çyg düshen gülleñ üstünden,
Ýere almaz dashlar üzülip gaçýar.
Sen ýylgyrdyñ - ýakut öçügsilendi.
Ony seniñ mawy gözleñ alawy,
Öçürdi-de, özi nur saçýar indi

Baýron. Iñlis shahyry.



Gözýetim görnenok göreçleriñde,
El degmedik tokaýda azashyp ýörýäris biz.
Gala girýäs, "Girseñ, gaýdyp çykmarsyñ"
Diýselerde,
shol galada shatlygy görýäris biz...

Federiko Garsiýa Lorka. Ispan shahyry.



... Ýöne señ ajaýyp gözleñ nazary
Sheýle shirin,
meniñ erkime bakman,
göreçleri meniñ betbagt gözlermiñ
Seniñ gözleriñe dikiler hökman.
Ol biwepa gözleñ ody-atashy
Meniñ betbagtlygymyñ sebäpkäridir,
Men olardan özüm gizläp bilmerin.
Shöhle saçýar meniñ ajy täleýme
Diñe señ ajaýyp gözleñ, dilberim.

Ogýust Barby. Fransuz shahyry



Iki ylahy dogan,
iki gudratly gözler
mydam meniñ öñümde.
Ussat melek olary
hem otdan, hem magnitden,
hem almazdan ýasapdyr,
Iki sany diri ýalny!
Ýagtylygy saýgaryp men
oñ yzyndan gider ýaly,
azashmazym ýaly dünýäñ tümünde.

Sharl Bodler. Fransuz shahyry



Gözlerñi synladym kän öwüshginde,
Kä rahatlyk, käte tupan bar onda.
Käte-de ol ýaz güni deý ýap-ýagty,
Käte bolsa, gije ýaly garañky,
Käte ol dup-dury dag köli ýaly,
gashlañ ashagyndan bakyp dur maña,
kalbymda oýaryp müñ bir hyýaly.

Resul Gamzatow. Awar shahyry



Iki ýakut dashy gözleñ,
Gymmatbaha lagl olar.
Ushbu iki mawy dünýä
Eýe bolan - bagtly bolar.

Genrih Geýne. Nemes shahyry