Shady diýdi: - Näme ekjek?
Men: - Gyzyl alma-diýdim.
- Nireden suwa ýakjak?
- Ýanymyz salma-diýdim.

Diýdi: - Ol kök urarmy?
Ösüp hasyl berermi?
Diýdim: - Bu ýaman ýermi?
Bilmedik bolma-diýdim.

Düýbüne suw döküshmän,
Hikirdände ekishmän.
- Ýekeje pel çekishmän,
Ýerliksiz gülme-diýdim.

Pasyllar geldi, geçdi,
Gyzyl alma gül açdy.
Bishdi, düýbüne düshdi,
- Golaýyna gelme-diýdim.

- Hasyly eken iýer,
Zähmetin çeken iýer,
Ballaryn bakan iýer
Birinem ýolma-diýdim.

Ol utandy, ökündi,
Alaýmaga çekindi,
Gürläbilmän sakyndy,
- Beýle kiçelme-diýdim.

Gynanýanyn gördüm-de,
Alkymyna bardym-da,
Bir almajyk berdim-de:
- Öýkelän bolma-diýdim.


Meretguly Garryýew