Ýykylsañ ýerden galmaga,
Dyzlaryñda güýç gerekdir.
Owkat tagamyn bilmäge,
Hünji ýaly dish gerekdir.

Pähim-pende uýmak üçin,
Yshk oduna köýmek üçin,
Elwan ýazy söýmek üçin,
Sowuk aýaz, gysh gerekdir.

Uzak menzil ashyp gelseñ,
Öý jennetdir duýup bilseñ.
Owadan ýylgyrsañ, gülseñ,
Göz üstünde gash gerekdir.

Kalpda ynam, äht diliñde,
Shükürli bol her günüñde.
Toýda däl-de, ýas ýerinde,
Gözleriñde ýash gerekdir.

Dost öýüne myhman geler,
Giçligine bakman geler.
Öýüñ tämiz gülzar eder,
Asylzada ýar gerekdir.

Derdinshere gök çaý içip,
Durmush ýükün ölçäp, biçip.
Ýörer ýaly mährin seçip,
Bir ýeke-täk dost gerekdir.

Watan mährin görjek bolsañ,
Hyzmatynda durjak bolsañ.
Ile öwüt berjek bolsañ,
Eliñde kär, ish gerekdir.

Gül Watanda yshka ýansam,
Ýagshy päl dek, kalba gonsam.
...Ak ganatly goshgy ýazsam,
Siller ýaly josh gerekdir.



Hudaýguly Goçow