Eger bolsam millioner,
Alardym men Aýnany.
Ýa-da bolsam Isgender,
Getirderdim Aýnany.

Il-gün arkamy tutsady,
Aýnam diýenimi etsedi,
Güýjüm welä ýetsedi,
Alardym men Aýnany.

Kyrk gün toýlardym toýuny,
Gülden bezärdim boýuny,
Hepdede soýup bag-goýuny,
Bakardym men Aýnany.

Tylla tagty ýasap tiz,
Hyzmat ederdi kyrk keniz,
Her tününde, her gündiz,
Gezdirerdim Aýnany.

Gelse Aýnam gashyma,
Saýa salardy dashyma,
Hopbo ederdim bashyma,
Götererdim Aýnany.

Simli köýnegi geýdirip,
Dishini gyzyldan goýdurup,
Ýyldyzdan monjuk düzüp,
Bezärdim men Aýnany.

Ashyk Hoja at bije,
Ýa-da gitgin bilgije,
Nesip etmän bir gije,
Aldylarla Aýnamy