Nesip etse,hor eşegem
Bir begzadaň maly bolar.
Kimler ir,kim giç düşüner
Nesibäňde bary bolar.

Din ymmata şüwhelidir,
Hak islese kary bolar.
Geljegiň bir ol biler,
Nesibäňde bary bolar.

Beglere näz eden hüýrler,
Bir çopanyň ýary bolar.
Dostum muňa ýazgyt diyrler,
Nesibäňde bary bolar.

Alla saňa ogul berse,
Alty- bäşiň Çary bolar.
Asman gaçyp ýer çöwrülse
Nesibäňde bary bolar.

Ömür boýy mal-mülk gözlän
Öz nebsine tazy bolar.
Baýar,Taňra şükür eýlär,
Nesibäňde bary bolar...

Kerim Hally

Hemmämize gowy günler nesip etsin mähribanlar!!!